करिब एक महिना अघि औपचारिक रूपमा नेकपा एमाले प्रवेश गरेका व्यवसायी दुर्गा प्रसाईँले नेकपा एमालेको आसन्न १० औँ महाधिवेशनमा केन्द्रीय सदस्य पदमा उम्मेदवारी घोषणा गरेका छन् ।
महाधिवेशनका लागि चितवन पुगेका प्रसाईँले आफूले केन्द्रीय सदस्य पदमा उम्मेदवारी घोषाणा गरेको केन्द्रबिन्दुलाई जानकारी दिए । उनले भने ‘एमालेको राजनीतिमा सक्रिय भएर लागि परेको छु । आज चितवनबाट केन्द्रीय सदस्यका लागि उम्मेदवारी घोषण गरेको छु । र, यसमा विजयी हुन्छु भन्ने पनि मेरो विश्वास रहेको छ ।’
उनले गत कार्तिक ७ गते झापामा आयोजित पार्टी प्रवेश कार्यक्रममा एमाले नेताका रूपमा पहिलो भाषण गरेका थिए ।
प्रतिक्रिया लेख्नुहोस्