निलम्बित प्रधानन्यायाधीश चोलेन्द्र शमशेर राणाले आज (मंगलबार) पनि महाअभियोग सिफारिस समिति समक्ष बयान दिने भएका छन्।
महाअभियोग सिफारिस समितिको मंगलबार बिहान ११ बजे बस्ने बैठकमा राणाले बयान दिने भएका हुन् । समितिले तयार पारेका ४३ वटा प्रश्न मध्ये राणाले अझै ८ वटा प्रश्नको जवाफ दिन बाँकी रहेको छ । समितिले यसअघि लिएका बयानका क्रममा राणाले न्यायालयभित्रको विकृति र विसंगतिलाई छताछुल्ला पारे । राजनीतिक नेतृत्व, न्यायाधीशहरू, बार एशोसियसन र मिडियाबीच रहेको नेटवर्किङका विषयमा उनले आक्रोश पोखे ।
राणाले आफूविरूद्ध महाअभियोग लगाउनुपर्ने कारण नै नभएको जिकीर पनि गर्दै आए । मंगलबारको बयानपछि सवाल र जवाफ सकिने र त्यसपछि बाँकी काम अघि बढ्ने सिफारिस समितिले जनाएको छ । राणाविरूद्ध गत फागुन १ गते प्रतिनिधिसभाका ९८ सांसदले महाभियोग प्रस्ताव दर्ता गरेका थिए ।
प्रतिक्रिया लेख्नुहोस्