सङ्खुवासभाको सभापोखरी गाउँपालिकामा रुख काट्ने क्रममा बुधबार एक जनाको ज्यान गएको छ।
ज्यान गुमाउनेमा सभापोखरी-२ विप्लप गैरीगाउँका ४० वर्षीय खड्गबहादुर तामाङ रहेको प्रहरीले जनाएको छ। जिल्ला प्रहरी कार्यालयका प्रहरी निरीक्षक सरोज खनालका अनुसार बुधबार दिउँसो जङ्गलमा दाउराका लागि उत्तिसको रुख काट्ने क्रममा त्यही रुखले लागेर उनको ज्यान गएको हो।
प्रहरी टोली घटनास्थलमा पुगि मुचुल्का तयार गरी पोस्टमार्टमका लागि जिल्ला अस्पताल ल्याइसकेको प्रहरीले जनाएको छ।
प्रतिक्रिया लेख्नुहोस्