सिरहामा मेयरका छोराबाट एक दलित महिला कुटिएकी छन् ।कल्याणपुर नगरपालिकाका निलम्बित मेयर सूर्यनाथ मण्डलका छोरा सहितको समुहले महरा परिवारमाथि मरणासन हुनेगरी कुटपिट गर्दै अभद्र व्यवहार गरेका छन् ।
रक्सिले मातेका निलम्वित मेयरका कान्छा छोरा दिनेश मण्डल, मेयरका भाई विष्णु मण्डलका छोरा राकेश मण्डल सहितका समूहले कल्याणपुर नपा ३ का कृपाल महराकी ४० वर्षीया श्रीमती सीता देवी महरा र १६ वर्षीय छोरा जितेन्द्र महरालाई कुटपिट गरेको हो । मेयर सूर्यनाथ मण्डल एक वर्षअघि अख्तियार दुरुपयोगको मुद्दामा निलम्वनमा छन् । रक्सिले मातेका उनीहरुले शुक्रबारराति ११ बजे आमा र छोरालाई दलित बस्तीमा गएर मरणासन हुनेगरी कुटपीट र अभद्र व्यवहार समेत गरेको उनीहरुले जनाएको छ ।
रक्सिले मातेका उनीहरुले दलित बस्तिमा जथाभावी माटोको डल्ला र ढुङ्गा फालिरहेको समयमा दलित महिलाले यति राति कसले मेरो घरमा ढुङ्गा हानेको भन्न नपाउँदै नसामा रहेका उनीहरुले महरा आमा छोरालाई अभद्र व्यवहार गर्दै मरणासन हुने गरि कुटपिट गरेको बताइएको छ । कुटपिट घाईते जितेन्द्र महराका अनुसार रक्सीखाएर मेरो आमालाई कसले काम दिन्छ भन्दै गाली गर्नुका साथै घिसारी कुटपिट गरेको बताए ।
त्यहि क्रममा मैले आमालाई किन कुटेको भन्दै प्रतिकार गर्न खोज्दा मलाई पनि कुटपिट गरेको सुनाए । घाईते आमा, छोराको उपचार कल्याणपुर ११ स्थित एक स्वास्थ्य संस्थामा उपचार भईरहेको छ । घटनाकै क्रममा कल्याणपुर ईलाका प्रहरिकार्यालय कल्याणपुरलाई फोन गर्दा समेत कुनै वास्ता नगरेको गुनासो गरेको छ । घटनाबारे ईलाका प्रहरि कार्यालय कल्याणपुरमा जाहेरी परेको बताइएको छ । कल्याणपुर प्रहरीले घटनामा संलग्न व्यक्तिहरुको खोजतलास भईरहेको जनाएको छ ।
दलित अधिकारकर्मी तथा दलित जागरण केन्द्र नेपाल गोलबजार सिरहाका सचिव संजय महराले दलित महिलामाथि गरेको अभद्र व्यहार र कुटपिट गरेको घटनालाई सुक्ष्म तरिकाले छानविन गर्नु पर्ने माग गरेको छ । उनले दोषीमाथि कार्वाही हुनुपर्ने बताएको छ ।
प्रतिक्रिया लेख्नुहोस्